بوسٹن ٹی پارٹی ءُ کافی
بوسٹن ٹی پارٹی ءَ پیسر برطانیہ ءِ گیشتریں امریکی کالونی چائے ءِ ورگ ءَ اتنت (ءُ برطانیہ ءَ اے یک خاصیں نوشگ یے ات)۔ بلے 1773 ءَ وھدے برطانوی سرکار ءَ چای ءِ سر ءَ ٹیکس گیش کت گڑا امریکی شہریاں اے زھرشانی ءِ رد ءَ سداں درآمدیں کریٹ دریا ءَ شنگ کت اَنت۔ ہما زمانگ ءِ نامداریں نعرہ ”نمائندگی ءِ ہست نہ بوہگ ءَ ٹیکس نہ دیگ“ ات۔ چہ ہمے وھد ءَ امریکہ ءَ کافی ءِ ورگ ءَ راج دوستی لیکگ بوتگ ات؛ ءُُ کافی راجی نوشگ جوڑ بوت۔ 1973 ءَ امریکی پوسٹل سروس ءَ اے مراگش ءِ یات ءَ ڈاک ٹکٹ شنگ کتگ کہ ایشی ءِ عکس ءِ سرا نبشتہ اِنت۔
کافی ءِ پودگ ھم 18 سد ءَ نوکیں دنیا ءَ سر بوتگ اَنت۔ بوسٹن ٹی پارٹی ءَ تاں امریکہ ءَ اے مشروب ءِ شنگ ءُ تالان نہ بوتگ ات۔ چہ ہمے وھد ءَ برطانیہ ءِ مخالفت ءَ ءُُ وطن دوستی ءِ درشان ءِ رد ءَ کافی ءَ چائے ءِ جاہ گپتگ۔ دگہ جیڑہ ءُُ سول وار ءَ ہم کافی ءِ ورگ ءَ کمک کتگ ات، چیا کہ سپاہیاں اے گپ پدر کتگ ات کہ کیفین ءَ آہاں توانائی ءِ دیمروئی داتگ ات۔ ھما کار کہ دیر بوتگ ات، بزاں امریکہ ءَ کافی ءِ شنگ کنگ ءَ زوت کنگ بوتگ ات۔ صدر ٹیڈی روزویلٹ (بیست ءُ ششمی صدر) امریکہ ءِ مزنیں کافی نوشوکاں چہ یکے زانگ بیت۔ اے گپ ءِ شنگ اِنت کہ آئی ءَ ھر روچ یک گیلن ءِ کافی وارتگ۔ روزویلٹ ءِ باروا ہم گشگ بیت کہ آئی ءَ کافی کمپنی میکسویل ہاؤس ءِ نامداریں جملہ "آخری ڈراپ ءَ چہ شرتریں" نبشتہ کتگ۔ گشگ بیت کہ آئی ءَ اے گپ ھما وھد ءَ جتگ کہ ٹینیسی ءِ اینڈریو جیکسن (ھپتمی صدر) ءِ راجدپتری لوگ ءَ آئی ءَ را کافی ءِ ورگ دیگ بوتگ۔
ہشدہمی صدی ءِ گڈسر ءَ کافی ءِ سوداگری یک میان استمانی بازارے جوڑ بوتگ ات ءُ تاجراں مدام نوکیں راہ ءُ درانی شوہاز ءَ اتنت کہ آ چہ اے مشروب ءَ گیشتریں سوبمندی یے بہ زور انت۔ 1864 ءَ دو برات جان ءُ چارلس اربکل ءَ چہ پٹسبرگ ، امریکہ ءَ یک نوکیں آٹومیٹک مشینے زرت کہ آئی ءَ کافی ءِ داناں چہ ھشکاں جتا کت ءُ ایشاں برش کت۔ اربکل براتاں یک پونڈ ءِ کاگدی بیگاں بریانیں کافی ءِ بہا کنگ بندات کت۔ آہاں اے کافی ءِ نام "اروسا" داتگ ات ءُُ اے امریکی مغرب ءِ کاؤبوائز ءِ گوں ہٹ بوتگ ات۔ جیمز فولگر ءَ چہ پیسر دیر نہ گوست کہ آئی ءَ اے رندگیری کت ءُ کیلیفورنیا ءِ سونے ءِ کان کناں کافی ءِ بہا کنگ بندات کت۔ اے گپ ءَ چہ کافی ءِ پیداوار کنوکاں نوکیں راہ پچ بوت۔ اے نامانی تہا میکسویل ہاؤس ءُ ہلز برادرز ءِ وڑیں مزنیں نام ہم ہوار اتنت۔
1970 ءِ دہک ءَ کافی ءِ مول ءُ مراد ءِ بابت ءَ سرپدی ءِ شنگ ءُ تالان بوھگ بندات بوت۔ اے گپ ءِ چہ الہام ءَ اولی "اسٹاربکس" 1971 ءَ امریکی شہر سیٹل ءَ پچ بوت۔نوں اسٹاربکس پہ کافی ءَ مزنیں پجارے ۔ کافی ءِ ھاترا راج ءِ شوق گیش بوھگ ءَ اِنت ءُ ایشی ءِ ھمراھی ءَ کسانیں کچے ءَ انفرادی کیفے ءِ کساس ھم گیش بوھگ ءَ اِنت ... ... کہ آ وتی ساپ ءُ پلگاریں سوداگری ءَ گوں دمگی برشتگیں لوبیا ءَ فخر کن اَنت۔ کافی یک نفیسیں سوداگری یے جوڑ بوتگ کہ آئی ءِ تام ءُ چاگردی سببانی پیچیدگی ءِ سبب ءَ ارزشت دیگ بیت، چو کہ پاکستان ءِ چائے ءِ وڑا۔
[بوسٹن ٹی پارٹی: بوسٹن، میساچوسٹس ءِ مردمانی نیمگ ءَ 16 دسمبر 1773 ءَ سیاسی ءُ تجارتی زھرشانی ءِ مظاہرہ بوتگ۔ایشی ءِ ٹارگٹ 10 مئی 1773 ءَ برطانوی پارلیمنٹ ءِ نیمگ ءَ منظور بوتگیں "چائے ءِ قانون" بوتگ۔ سون آف لیبرٹی ، یک سیاسی گلے ءَ اے کار ءِ سک مخالفت کتگ ءُ گشتگ کہ اے کار ایشانی حقانی لگتمالی اِنت۔ زھرشانی کنوکاں کہ آ امریکی بومی (ریڈ انڈینز) ءِ دروشم ءَ بوتگ اَنت ءُ ایسٹ انڈیا کمپنی ءِ نیمگ ءَ دیم داتگیں سرجمیں چای ءِ شپمنٹ ءَ گوں نعرہ جنگ ءَ ھلاس کتگ۔ زھرشانی کنوک بندر ءَ جہازاں سوار بوتگ اَنت ءُ چای ءِ دراھیں ڈبہ دریا ءَ شنگ کتگ اَنت۔ برطانوی سرکار ءَ اے زھرشانی ءَ را غداری لیک اِتگ ءُ سک باز رد عمل پیش داشتگ۔ اے واقعہ ءَ امریکی انقلاب ءِ شنگ ءُ تالان کت ءُ امریکہ ءِ تہا یک تاریخی واقعہے جوڑ بوت۔ اے ٹی پارٹی برطانوی امریکہ ءَ ٹی ایکٹ ءِ ھلاپ ءَ مزاحمتی تحریک ءِ اوج ات۔ ادا برطانوی نوآبادیاتی آں اے کار ءِ سرا اعتراض کتگ ءُ گشتگ کہ اے ’’ہچ نمائندگی، ہچ مالیات‘‘ ءِ اصول ءِ رد ءَ آہانی حقانی سرا زاہریں لگتمالی یے بوتگ۔ ٹیکس تھنا وتی گچین بوتگیں نمائندگاں چہ زورگ بوت کن اَنت، نہ کہ پارلیمنٹ ءِ وسیلہ ءَ کہ آھانی تہا آھانی نمائندگی ھچ وڑ ءَ نہ بوتگ۔ ایشی ءَ ابید برطانوی سرکار ءِ چیردستی ءَ ایسٹ انڈیا کمپنی ءَ را چہ دمگی چائے درآمد کنوکاں گیشتر اولیت دیگ بوتگ۔ آہاں اے گامگیج وتی کاروباری حقانی گیشتریں لگتمالی لیک اتگ ءُ مزنیں ناپسندی ءِ درشانی کتگ۔ بوسٹن ٹی پارٹی ءِ واقعہ اے من ءَ 1857 ءِ آجوئی ءِ جنگ ءِ یات ءَ دنت کہ اے جنگ چہ ہندوستانی سپاھیگاں وتی بندوق ءِ کارتوس ءِ سر ءَ گاو یا سور ءِ چربی ءِ کارمرز کنگ ءِ اعتراض ءَ بندات بوتگ۔ بندوق ءِ تہا کارتوس ءِ بار کنگ ءَ پیسر آہاں چربی ءَ گوں وتی دنداناں کٹگی ات۔]
کیپوچینو
کیپوچینو ءَ وتی نام چہ کیپوچین راہباں زرتگ۔ کیپوچین راہب (دیمتر ءِ پیراگراف ءَ بچار) کافی ءِ ورگ ءَ نہ بوتگ انت بلے وہدے آہاں وتی کافی ءَ شیر ھوار کتگ گڑا کافی خاکی رنگ ءَ بدل بوتگ۔ اے رنگ نوزدھمی کرن ءِ اے کافی ءِ ورگ ءِ راہبانی خاکی ءِ رنگ ءَ گوں ھمگرنچ ات۔ اے ادا ات کہ اولی دودھ ءِ کافی ، "کیپوسینیٹر" جوڑ کنگ بوتگ۔ جدید جھاگ داریں کیپچنو باز دیر ءَ پد جوڑ کنگ بوتگ ءُ اطالوی ءِ دروشم ءَ جوڑ بوتگ۔
[کاپوچین یک عیسائی فرقہ یے ۔ کیپوکیو اطالوی زبان ءِ گال اِنت کہ ردا ءِ ٹوپی ءِ بزانت اِنت۔ اے فرقہ ءِ مردماں گوں کافی ءَ ھواریں شیر ءِ رنگ ءِ جامگ پوش اِتگ اَنت۔ ایشی ءِ راجدپتر ایش اِنت کہ 13می کرن ءَ یک عیسائی سنت فرانسس آف آسیسی ءَ یک فرقہ یے ءِ بُن ھشت ایر کتگ ات کہ آئی ءِ منوگراں فرانسسکین گشگ بوتگ ات۔ کاپوچین ءِ راہباں شانزدہمی کرن ءَ اے رھبند ءِ منوگراں اصلاح کنگ ءِ ھاترا یک جنبشے بندات کت ءُ مردماں وتی پیرینانی وڑ ءَ سخت ءُ سادہیں زند گوازینگ ءِ دعوت دات۔
بھوری پھلیاں
خام کافی چہ بریانیں کافی ءَ سرجم ءَ جتا اِنت۔ پھلیاں چنگ ءِ وھد ءَ سبز رنگ ءَ بنت۔ روسٹنگ ءِ وھد ءَ نشاستہ چینی ءَ ٹوٹ ایت ءُ چینی شربت ءَ پگھل بیت کہ پھلیاں وتی بھوری رنگ ءَ دنت۔ اے ھما وڑا اِنت کہ تو نان ءَ پچ کن ئے ءُ آئی ءَ را بھوری کن ئے۔ (اے کیمیائی رد عمل ءَ ‘میلارڈ’ گش انت)۔ اے گپ ءِ ھمراھی ءَ یک تیلے ھم درکپیت کہ آئی ءَ ‘کافیول’ گْوش اَنت۔
کافی ءُ اٹلی
حیرانی ءِ گپ ایش انت کہ مرچی پہ کافی ءَ کارمرز بوؤکیں گال اطالوی انت۔ پہ مثال، ایسپریسو، ڈوپیو، کیپچنو، کیفے لیٹے ءُ ماکیاتو۔ اے ھبر ایش انت کہ ایسپریسو مشین نوزدھمی کرن ءَ اٹلی ءَ ایجاد بوتگ۔ ایسپریسو یک موٹی مشروبے کہ ہائی پریشر ءِ تہا باریک زمینی کافی ءِ وسیلہ ءَ گرمیں آپ ءَ مجبور کنگ ءَ جوڑ کنگ بیت۔ ایسپریسو بازیں دگہ کافی ءِ مشروبات ءِ بنیاد ءَ جوڑ کنت، چوش کہ کیپچنو، کیفے لیٹ، ءُ امریکانو۔
'جو ئے کپ'
امریکہ ءِ یک نامداریں گالبندے ” جو ءِ یک پیالہ یے “ چہ امریکہ ءِ بحریہ ءَ اتکگ۔ ایشی ءِ پُشت ءَ کسہ ایش اِنت کہ ایڈمرل جوزف ڈینیلز ءَ اولی جنگ عظیم (1914-18) ءِ وھد ءَ جنگی جہازانی سرا شراب ءِ سرا پابندی جتگ ات، پمیشکا کافی ءِ یکیں متبادل ات۔ اے گپ ھم گْوشگ بوتگ کہ اے گپ بحث ءِ لائک اِنت، چیا کہ اے گالوار اولی رند ءَ 1930 ءِ دہک ءَ نبشتہ ءِ دروشم ءَ دیم ءَ اتکگ۔ دگہ لھتے گْوش اَنت کہ ‘جو’ ‘جاموک’ ءِ کشّگ اِنت کہ وت ”جاوا“ ءُ ”موکا“ ءِ یکجاھی اِنت۔ جاوا۔ موکا کافی ئے ٹائپ انت۔
زوتیں کافی
انسٹنٹ کافی یک نوکیں سہولت یے، اولی رند ءَ 1771 ءَ برطانیہ ءَ کارمرز بوتگ۔ایشی ءِ جوڑ کنگ ءِ طریقہ چہ ہمے وھد ءَ چہ بوتگ۔ امریکہ ءِ اولی شنگ ءُ تالانیں انسٹنٹ کافی واشنگٹن کافی 1900 ءِ دہک ءِ بندات ءَ دیم ءَ آرگ بوتگ ات؛ ءُ نیسکافے ءِ اسپرے ءَ ھشکیں کافی 1938 ءَ اتکگ (اسپرے: کافی ءِ حل ءِ اسپرے گرمیں پین ءِ سرا اسپرے کنگ بیت، آ فوراً ھشک بیت ءُ جھاگ ءِ شکل ءَ جم کنگ بیت)؛ دگہ رھبندے ایش اِنت کہ کافی ءِ حل ءَ آپ ءَ بدل کنگ ءَ ابید بخارات ءَ منجمد کنان ءَ انسٹنٹ کافی جوڑ کنگ بہ بیت۔ منجمد خشک کافی، کہ دکاناں عام گندگ بیت، 1960 ءِ دہک ءَ چہ کارمرز بوتگ۔