ہوائی جھازان اَشتہ لنج
یو ایس ایس رونالڈ ریگن 1092 فٹ ءِ دراجیں ءُ 6 ارب ڈالر ءِ جہاز اِنت کہ ایشی ءِ سرا دو ایٹمی ری ایکٹر کارمرز کنگ بنت۔ اے زمرہ نیمیتز ءِ جہاز اِنت۔
امریکی بحریہ ءِ رد ءَ اے وتی کساس ءِ باوجود، اے 30 ناٹ (نوٹیکل میل) فی گھنٹہ ءَ چہ گیش ءِ رفتار ءَ سفر کنت۔ (یک زمینی میل ءِ کساس 1.5 سمندری میل اِنت)۔
اے جہاز ءِ نام رونالڈ ریگن ءِ نام ءَ ایر کنگ بوتگ کہ آ 1981 ءَ بگر داں 1989 ءَ امریکہ ءِ صدر بوتگ۔
آ ورجینیا ءِ ریاست ءِ نیوپورٹ شپ یارڈ ءَ جوڑ کنگ بوتگ ءُ 12 جولائی 2003 ءَ 'مکمل' ءِ سرٹیفکیٹ دیگ بوتگ۔
شست(60)ءَ چہ گیش جنگی بالی گراب ایشی ءِ سرا ایر کپت کن اَنت۔ آنہانی تہا جنگی جہاز، جَنگبال (اینٹی سب میرین جہاز)،(ہوائی چرخی) ہیلی کاپٹر ءُ جاسوسی جہاز ھوار انت۔ بلے اے لسٹ ایوک ءَ آھانی تہ ءَ نہ اِنت! اے بالی گرابانی تہا 3,000 ءَ چہ گیش مردمانی جہاز ءِ کارندہ ھوار انت کہ اے جہاز ءِ کساس یک کسانیں شہرے ءِ کساس ءَ انت۔ نیمیتز ءِ بالی گراب یکیں وھد ءَ 97 ہزار ٹن ءِ قلعہ ، کسانیں شہر ء’‘ اقیانوس ءِ میان ءَ بالی پٹ اِنت۔
اے ادا آسر نہ بیث، بلکہ، ہر جہاز بردار ءِ ہمراہی ءَ بازیں جہاز ہم است انت ایشاں 'آ جہاز ءِ جنگی اسکواڈرن' گُش اَنت۔ البت ہر جہاز ءِ بیڑے ءِ جوڑشت آئی ءِ مہم ءِ رد ءَ جتا اِنت۔ لھتے درجہ بندی کنگ بنت۔ چوشیں گلے ءِ تہا یک خاصیں بالی گرابے است انت، کہ آئی ءَ را لقب یا نام دیگ بیت؛ دو گائیڈڈ میزائل کیریئر؛ دو جہاز کہ اینٹی ایئر کرافٹ گناں گوں سلاہ بند اتنت؛ ءُ یک یا دو جہاز آبدوزاں گوں دیم پہ دیم بوھگ ءِ ھاترا مختص کنگ بنت۔
برے برے مزنیں بحری مشقانی واستہ یک طیارہ بردار دگہ طیارہ برداراں گوں یکجاہ بیت ء’‘ مزنیں فورس شو ءِ کارءَ کنت۔
امریکہ ءِ 11 جہاز بردار انت کہ اے دنیا ءِ اے وڑیں مزنیں بیڑے انت۔ ایشی ءَ پد چین ءِ راجدپتر ، ھندوستان ، اٹلی ءُ برطانیہ ءِ ملک اَنت کہ آنہی گورا ءَ دو دو جہاز برادر اَنت۔ فرانس ءُ روس ءِ ہر یکے ءَ یک یک جہاز بردارے است۔
مرچیگیں زمانگ ءَ چین ءِ راجدپتر ءِ جہد انت کہ آ وتی بالی گرابانی کساس ءَ گیش بہ کنت۔
اے وھد ءَ 2024 ءَ چین ءِ راجی آجوئی ءِ لشکر ءِ نیوی ءِ دو فعالیں بالی گراب ءِ ”لیائونینگ“ ءُ ”شینڈونگ“ اِنت۔
ایشانی سَیمی جہاز "فوزیان" ءِ سرا اے وھد ءَ آزمائش کنگ بوھگ ءَ اِنت۔ چین ءِ راجدپتر ءَ 004 ءِ ٹائپ ءِ چارمی بالی گراب ھم ھست کہ اے بالی گرابانی نوکیں نسل اِنت۔
رجانکار: عزیز الله بنوری ٹاون