کِیڑیاں دا بھیت کھل گیا

سائنسداناں نے دریافت کیتا اے کہ کِیڑیاں بِجاں نوں جمع کرن توں پہلے جان بُجھ کے اوہناں نوں چھوٹے ٹکڑیاں وچ توڑ دیندیاں نیں۔ ایہہ حادثاتی طور تے نئیں ہوندا بلکہ ایس لئی ہوندا اے کہ زمین دے اندر بِج اُگ نہ سکن۔ پر اصل حیرت اودوں ہوئی جدوں محقّقاں نے دھنیے دے بِجاں نوں ادھے دے بجائے چوتھے حصّیاں وچ کٹیا ہویا پایا۔ تے اوہناں نوں احساس ہویا کہ کِیڑیاں کسے طرحاں ایہہ جان دیاں سن کہ ادھا کٹیا ہویا دھنیے دا بِج وی اُگ سکدا اے، پر چوتھا حصہ نئیں۔ ایہہ کِیڑیاں نوں اوہناں دی جبلّت نے ناقابل یقین حد تک سکھایا اے کہ اوہنے سائنسداناں نوں حیرت وچ پا دتا۔
کِیڑیاں دا ایہہ کرنا اک حیران کر دین والی مثال اے کہ فطرت ساڈی سوچ توں کِتے ودھ ہشیار اے۔ کِیڑیاں صرف محنتی ای نئیں بلکہ سمجھدار زرعی ماہر وی نیں جیہڑیاں زمین دے اندر اپنے کھلیان بڑی حکمت نال سانبھ دیاں نیں۔ ایہہ اک مثال اے کہ اک چھوٹی جہی مخلوق کیویں اہم فیصلے کردی اے۔ ایہہ ایس گل دی دلیل اے کہ انساناں نے اجے فطرت دے بوہت سارے بھیتاں توں پردہ چکنا اے۔

امین خان دا تبصرہ

"میں بوہت ساریاں سائنسی کتاباں تے پروگراماں توں سکھیا اے کہ ساڈی دنیا (جیہڑی مُڈھلی طور تے آتش فشاں چٹان دا اک ٹکڑا اے) کنج مختلف قدرتی طاقتاں، جنوراں، جرثومیاں تے ہر طرحاں دی حیاتی آپس دے میل جول نال بدلن دے عمل توں لنگھ کے ایس حالت تک پہنچی اے۔ ایہہ اک بوہت ای دلچسپ موضوع اے۔"