عربی شراب

شانزدہمی کرن ءَ وھدے کہ ترکاں جزیرہ نما عرب ءِ سرا قبضہ کت گڑا عثمانی سلطنت ءِ تہا کافی ءِ ورگ ءِ شنگ ءُ تالان بوت۔ اے دمگ ءِ مسلماناں نشہ ءِ نوشگ نہ وارتگ ءُُ کافی ایشی ءِ شرتریں بدل بوتگ ءُُ ایشی ءَ ’کہوے‘ گشگ بوتگ کہ ایشی ءِ بزانت ’عرب شراب‘ اِنت۔ اے گال چہ عربی ءِ گال قویت ءَ اتکگ کہ وت چہ قہیہ ءِ گال ءَ دراتکگ کہ ایشی ءِ بزانت ”آرام“ اِنت۔

یک زمانگے ءَ کافی ءِ ورگ ءِ سزا موت بوتگ۔ عثمانی سلطنت ءِ سلطان مراد چہارم ءَ کافی ہاؤس سک ناپسند بوتگ انت۔ آئی ءِ گمان ات کہ اے جاہاں مردماں آئی ءِ ھلاپ ءَ پندل سازگ ءَ انت۔
1511 ءَ مکہ ءِ ترک گورنر خیر بیگ ءَ کافی ءِ سرا بندش جت ءُ گشت کہ اے کافی ءَ چہ مردمانی تہا انتہا پسندی ءِ لیکہ پیداک بنت پمیشکا اے یک خطرناکیں چیزے ۔ آئی ءِ گمان ات کہ کافی شراب ءِ وڑا خطرناکیں نشہ یے کہ قرآن ءِ تہا حرام انت۔ آئی ءَ دراھیں کافی ءِ اسٹاک ضبط کتگ ءُ شُشتگ اَنت۔ بلے اے بندش مصر ءِ سلطان ءِ سفارش ءِ سرا ھلاس کنگ بوت۔ 1633 ءَ سلطان مراد ءَ استنبول ءَ کافی ءِ ورگ ءَ را سزا ءِ لائکیں جرم لیک اِت کہ آئی ءِ سزا موت اِنت۔ آئی ءِ گمان ات کہ مردم کافی ہاؤساں یکجاہ بوتگ انت ءُ آئی ءِ ھلاپ ءَ سازش کتگ۔ آئی ءَ کافی ءِ گرگ ءُ بہا کنوکاں جتگ ءُ جتگ ءِ پرمان داتگ۔ دومی جرم ءِ سزا ایش ات کہ خریدار ءُ فروشندہ ءَ چمڑی ءِ کیسگ ءَ بند کنگ ءُ دریا ءَ دور دیگ بہ بیت۔ بلے اے درستیں گپانی باوجود آ کافی ءِ سوداگری ءَ کم کنگ ءَ ناکام بوت۔
ءُ شانزدہمی کرن ءِ نیام ءَ یورپ ءُ میان اُستمانی بازیں حاکماں اے نوشگ ءِ سرا بندش جنگ ءِ جہد کتگ۔ ویں صدی ءَ بازیں کیتھولک پادریانی گمان ات کہ کافی ءِ ورگ ءَ چہ پادریانی تہا بدی شنگ بیت پرچا کہ اے سک وش انت۔ ایشاں اے گپ شیطان ءَ گوں منسوب کتگ۔ آخر کار پوپ کلیمنٹ ہشتم ءَ کافی ءِ ورگ ءَ پد فیصلہ کت کہ اے یک نارملیں مشروبے ۔ آئی ءَ انچو دوست بوت کہ آئی ءَ بپتسمہ ھم دات، بزاں کافی۔ پوپ ءِ اے برکتیں پیسلہ ءَ پد یورپ ءَ کافی ءِ سوداگری دیمروئی کت۔

نوں، درستیں مذہبانی تہ ءَ ایوک ءَ سئے عیسائی فرقہ کافی نہ ور اَنت۔ اے مورمن چرچ، ہفتمی روچ ءِ ایڈونٹسٹ ءُ رستافرین اَنت۔ آنہانی خیال ایں کہ گرمیں مشروبات پہ جان سلامتی ئا جوان نہ انت مورمن کافی نہ ورگ ءِ یک سادہیں سببے دنت: مئے گمان اِنت کہ نبی جوزف سمتھ ءَ چہ خدا ءَ وحی رستگ کہ چرچ ءَ را یک خاصیں رژیم ءِ ورگ ءِ ہدایت بہ کنت (ءُ کافی ہم ہوار نہ اِنت)۔
[جوزف اسمتھ جونیئر (23 دسمبر 1805 - 27 جون 1844) امریکی مذہبی رہشونے بوتگ۔ آئی ءَ مورمونزم فرقہ ءِ بُن ھشت ایر کت۔ اسمتھ ءَ 24 سال ءِ عمر ءَ مورمن ءِ کتاب شنگ کت ءُ دگہ 14 سال زندگ بوت۔ آئی ءِ بیرانی ءِ وھد ءَ آئی ءِ پیروک ھزاراں بوتگ اَنت۔ آئی ءِ دین مرچی ھم زندگ اِنت ءُ سرجمیں دگنیا ءَ آئی ءِ لکاں پیروکار اَنت۔]

کافی ہاؤس سماجی جاہ اثنت

کافی دگہ مشروباتاں چہ جتا بوتگ پرچا کہ اے سرکاری کافی ہاؤسز ءَ ورگ بوتگ کہ میان اُستمانی ءَ بگر داں افریقہ ءَ کش ءُ گور بوتگ انت۔ مردم اِدا پہ وتی وشیاں گوازینگ ءَ، چاگردی زند گوازینگ ءَ ءُ روچ ءِ ھاسیں ھالاں سرپد بوھگ ءَ اتکگ اَنت۔ 1675 ءَ برطانیہ ءِ سرجمیں دمگاں کافی ہاؤس شنگ بوتگ اتنت۔ اے کافی ہاؤساں رسمی نام دیگ بوتگ انت۔ چوش کہ: ترک ءِ سر، بیت المقدس ءِ کافی ہاؤس، سلطان ءِ ءُ دگہ۔
مرچیگیں نوکیں کافی ہاؤس / کافی ہاؤس ءَ پب / بار یا ریستوراں ءِ خصوصیات است انت۔ بلے اے چہ کیفے ٹیریا ءَ جتا اِنت۔ میان اُستمانی ءُ مغربی ملکاں کہ اودا مغربی ایشیا ءَ چہ ہجرت کتگیں مردم آباد بوتگ انت... بازیں کافی ہاؤساں "شیشہ" ہم پیش دارگ بیت۔[عراقی، عربی، یونانی ءُ ترک زبان ءَ شیشہ ءَ "نرگل" گُش اَنت (دلگوش بہ کن اِت کہ اردو ءَ ما بانس یا سینسر ٹیوب ءَ نرکل یا نرسال گُشیں، من نہ زاناں اے سیادی چے اِنت)، وھدے کہ اردو ءُ ھندی ءَ "ھکہ" گْوش اَنت۔ خوشبوداریں تمباکو ہککہ ءِ تہا کشگ بیت]
اسپریسو بار یک وڑیں کافی ہاؤسے ۔ اے ایسپریسو ءُ ایسپریسو ءِ سرا مبنی مشروبات ءِ خدمت کنت۔
[ایسپریسو باقاعدہ کافی ءَ چہ اے گپ ءَ جتا اِنت کہ اے زمینی کافی پھلیاں چہ جوڑ نہ بیت، بلکیں باریک زمینی کافی پھلیاں چہ جوڑ کنگ بیت۔ اے بھاپ ءِ دباؤ ءِ چیر ءَ تیار کنگ بیت۔ ایشی نیاما گیشتر کیفین مان ایں باقاعدہ کافی شش ءَ چہ 12 اونس کپ ءَ پیش کنگ بیت، ءُ ایسپریسو یک اونس کپ ءَ پیش کنگ بیت]
دود ءُ ربیدگ ءِ چمشانک ءَ چہ کافی ہاؤس مزنیں کچے ءَ چاگردی تعامل ءِ مرکز اَنت: مردم کافی ہاؤس ءِ ساہگ ءَ گپ ءُ تران کنگ، وانگ، نبشتہ کنگ، وشیں وھد گوازینگ ءِ ھاترا یکجاہ بوت کن اَنت... چاہے آ یکے بہ بنت یا یک گلے ءَ۔ وائی فائی ءِ آھگ ءَ پد کافی ھاوساں مردماں انٹرنیٹ ءِ آسراتی دیگ بندات کتگ کہ آ وتی فون، لیپ ٹاپ ءُ ٹیبلٹاں کارمرز بہ کن اَنت۔ کافی ہاؤس وتی باقاعدہ گاہکاں غیر رسمی کلب ءِ وڑا خدمت کن انت۔ 1950 ءُ 1960 ءِ دہک ءَ کافی ہاؤساں ہم موسیقی، گشندہی ءُ شاعری ءِ گشتانک ءِ میزبانی بندات کت، خاص کر شام ءَ۔